(વર્તમાન પ્રવાહ ન્યુઝ નેટવર્ક)
ધરમપુર, તા.04: ઇનોવેશન હબ, જિલ્લા વિજ્ઞાન કેન્દ્ર, ધરમપુર (રાષ્ટ્રીય વિજ્ઞાન સંગ્રહાલય પરિષદ સાંસ્કૃતિક મંત્રાલય ભારત સરકાર) ખાતે બેયર વાપી પ્રા. લી. ના સહયોગ થી તા. 02/05/2023 ના રોજ વર્લ્ડ અસ્થમા ડે નિમિત્તે શૈક્ષણિક વર્કશોપ આયોજન કરવામાં આવ્યું હતું. જેમાં ૪૫ વિધ્યાર્થીઓએ ભાગ લીધો.
આ વર્કશોપમાં મેન્ટર ગાયત્રી બિષ્ટ એ વિદ્યાર્થીઓને અસ્થમા ૨૦૨૩ની થીમ “Asthma for all” ને ધ્યાનમાં લઈને એક્ટિવિટી કરાવી તથા અસ્થમા વિષે પ્રેઝેંટેશન આપી વિદ્યાર્થીઓને અસ્થમા થવાનું કારણ અને એની અસર ફેફસાંના કયા ભાગમાં થાય એ જણાવ્યુ. વધુમાં, એમને વિદ્યાર્થીઓને અસ્થમાનાં નિવારણ અને એમાં ઉપયોગમાં લેવાતી દવાઓ વિષે માહિતી આપી. મેન્ટર દ્વારા ફેફસાંનું મોડેલ દ્વારા વિધ્યાર્થીઓને સ્વાસ-ઉછ્વાસ ની ક્રિયા વિષે જ્ઞાન આપ્યું. ત્યારબાદ, તેઓને અસ્થમાં રોગનાં તાત્કાલિક નિવારણ માટેની માહિતી આપતી ડોક્યુમેન્ટરી ફિલ્મ બતાવવામાં આવી હતી.
