તમામને કપરાડા સરકારી હોસ્પિટલમાં ખસેડાયા : આરોગ્ય વિભાગ દોડતો થયો, દૂધનું સેમ્પલ તપાસ માટે મોકલી અપાયું
(વર્તમાન પ્રવાહ વાપી બ્યુરો)
વાપી, તા.04: કપરાડાના અંતરિયાળ વિસ્તારમાં આવેલ માની ગામમાં આખા પરિવારને ફુડ પોઈઝનિંગ થતા 10 સભ્યોને કપરાડા સરકારી હોસ્પિટલમાં સારવાર માટે ખસેડવામાં આવ્યા હતા.
કપરાડાના માની ગામમાં નિરગુળ ફળીયામાં રહેતા ગોધાર પરિવારના દશ જેટલા સભ્યોને ફુડ પોઈઝનિંગ થયું હતું. ઘટનામાં સામે આવેલી વિગતો મુજબ ગામના નિરગુળ ગઈકાલે મોડી રાત્રે એક ગાય વિયાઈ હતી. જેનુ પ્રથમ તાજુ દૂધ ઘરના લોકોએ આરોગ્ય હતું. ત્યાર બાદ થોડાક સમયમાં પરિવારના તમામ10 સભ્યોને ફુડ પોઈઝનિંગ થતા ઝાડા-ઉલટી શરૂ થઈ ગયા હતા. પેટમાં સખત દુખાવાની ફરિયાદ શરૂ થઈ હતી. ઘરના સભ્યો પૈકી 7 વર્ષની જ્યોતિ, 15 વર્ષનો નિતીન 15 વર્ષનો હાઉસ ધોધાર-58 વર્ષિય ચેન્ડર બાપુ ગોધાર મળીને તમામને ફુડ પોઈઝનિંગ થયું હતું. તેમાં તાત્કાલિક અડધાને સ્ટેટ હોસ્પિટલ ધરમપુરમાં ખસેડાયા હતા તો અન્યને કપરાડા સરકારી હોસ્પિટલમાં ખસેડવામાં આવ્યા. તપાસમાં તમામે તાજી વિયાયેલી ગાયનું દૂધ પીધુ હોવાથી ફુડ પોઈઝનિંગ થયું હતું. આરોગ્ય વિભાગે દૂધના સેમ્પલ લઈ તપાસ માટે મોકલી આપ્યા હતા. ઘટના બાદ સમગ્ર વિસ્તારમાં ચકચાર મચી જવા પામી હતી.
—-