આરોપી લક્ષ્મીબેન જ્ઞાનસિંહ ઉત્તમ ડીંડોલી વિસ્તારમાંથી ઝડપાઈ
(વર્તમાન પ્રવાહ વાપી બ્યુરો)
વાપી, તા.04: વાપી ટાઉન પોલીસની પ્રોહિબિશન ગુનામાં નાસતી ફરતી મહિલા આરોપીને સુરત ડીંડોલી પોલીસે ઝડપી પાડી છે.
વાપી ટાઉન પોલીસની પ્રોહિબિશન ગુનામાં ફરાર મહિલા આરોપી લક્ષ્મીબેન જ્ઞાનસિંહ ઉત્તમને ડીંડોલી સુરત પોલીસે ઝડપી પાડી છે. સર્વેલન્સ પી.એસ.આઈ. હરનામ મસાણીની ટીમે મહેન્દ્રભાઈ ફકીરાને મળેલી બાતમી આધારે બાતમી વાળી જગ્યાએ વોચ ગોઠવી મહિલા આરોપીલક્ષ્મીબેન ઉત્તમને પોલીસે આબાદ રીતે ઝડપી પાડી હતી. ઉલ્લેખનીય છે કે, લક્ષ્મીબેનનો પતિનો પણ તાપી પોલીસમાં ગુનો નોંધાયેલો છે. વાપી ટાઉન પોલીસ ટ્રાન્સફર વોરન્ટથી આરોપી મહિલા લક્ષ્મીબેનનો કબજો મેળવી આગળની કાર્યવાહી હાથ ધરશે.
