જીવદયા ગ્રુપ અને જીઆઈડીસી ફાયર ટીમની પ્રસંશનીય કામગીરી
(વર્તમાન પ્રવાહ વાપી બ્યુરો)
વાપી, તા.09: આજ રોજ છેલ્લા અઠવાડિયાથી જ્ઞાન ધામ સ્કૂલ ગુંજનની સામે આવેલ ગટર લાઈનમાં ફસાયેલા શ્વાનના બચ્ચાંને વાપી જી.આઈ.ડી.સી. ફાયર વિભાગ, જીવદયા પ્રેમી હિતેશ રાઠોડ, વર્ધમાન શાહ અને ધવલ ઠાકુરના સહયોગથી કાઢી લેવાયું.
છેલ્લા અઠવાડિયાથી શ્વાનનું બચ્ચૂ ગટર લાઈનમાં ફસાયેલું હતું જે દર રોજ ભૂખના કારણે બૂમો પાડતું હતું પરંતુ તપાસ કરતા તે મળતું નહતું, ગટર લાઈન લગભગ 500 મીટર લાંબી હોવાથીબચુ કયાં સંતાઈ રહેતું એ જણાતું ના હતું, દરરોજ ગટરના ઢાંકણા ખોલી તેની તપાસ કરવામાં આવતી પણ મળતું ન હતું, આજ રોજ બચુ નજરે ચઢતા તરત જ સ્થળે પહોંચી જઈ તેને કાઢવાના પ્રયાસો કર્યા પરંતુ બચુ ડરના કારણે પાસે આવતું ન હતું અને ભૂખ ન કારણે તે બહાર જાતે નીકળવામાં અસમર્થ હતો, જ્યાં ફસાયું હતું તે ગટર લાઈનને બંને બાજુથી બંધ કરી દેવામાં આવી અને વાપી જીઆઈડીસી ફાયર વિભાગની ટીમની મદદથી લગભગ 2 કલાકની મહામહેનતે બચ્ચાંને જીવદયા પ્રેમી હિતેશ રાઠોડ અને વર્ધમાન શાહ દ્વારા સહી સલામત બહાર કાઢી લેવાયું.
