(વર્તમાન પ્રવાહ ન્યુઝ નેટવર્ક)
સેલવાસ, તા.12: સીબીએસઈ બોર્ડ દ્વારા લેવાયેલ ધોરણ 12ની પરીક્ષાનું પરિણામ આજે જાહેર કરવામાં આવ્યું હતું. જેમાં સેલવાસની લાયન્સ ઇંગ્લીશ મીડીયમ સ્કૂલના વિદ્યાર્થીઓનું પરિણામ શાળાને ખૂબ જ ગૌરવ અપાવે તેવું રહેવા પામ્યું છે. વિજ્ઞાન પ્રવાહના વિદ્યાર્થીઓનું 98.6% આવ્યું છે. જેમાં પાર્થ ગોયલ 96.20% સાથે પ્રથમ, નીતિનકુમાર એસ 95% સાથે દ્વિતીય અને આશુતોષચંદ સિંઘ 94.4% સાથે ત્રીજું સ્થાન મેળવ્યું હતું.
કોમર્સના વિદ્યાર્થીઓનું પણ 88.32% પરિણામ જાહેર થયું. જેમાં પ્રથમ ક્રમે ઈશાન નાયક 93.2%, દ્વિતીય ક્રમે સર્ફરાજ પરમાર 91.8% અને તૃતીય ક્રમે આવેલા ગૌતમ ભાનુશાલીએ 91.6% પ્રાપ્ત કર્યા હતા. આ ગૌરવાન્વિત દિને શાળાના ચેરમેન શ્રી ફત્તેહસિંહ ચૌહાણે તથા વાઇસ ચેરમેન શ્રી એ.ડી.નિકમે અને તમામ ટ્રસ્ટીઓએ આનંદિત થઈ શિક્ષિકો તથા વિદ્યાર્થીઓની અથાકમહેનત માટે પ્રશંસા કરી હતી અને તેમના ઉજ્જવળ ભવિષ્ય માટે શુભકામનાઓ પાઠવી.
શાળાના પ્રભારી આચાર્યા શ્રીમતી નિરાલી પારેખે પણ વિદ્યાર્થીઓને શુભકામના આપી હતી.
