અન્ડર 19ની કેટેગરીમાં ફાઈનલ સિંગલ્સ અને ડબલ્સમાં રનર્સ અપ રહી મેળવેલો સિલ્વર મેડલ
(વર્તમાન પ્રવાહ ન્યુઝ નેટવર્ક)
દમણ, તા.23 : ગોવા બેડમિન્ટન એસોસિએશન દ્વારા મડગાંવના મનોહર પારિકર ઈન્ડોર સ્ટેડિયમમાં તા.19 થી 22 જુલાઈ દરમિયાન આયોજીત બીજી સ્ટેટ રેંકિંગ ટુર્નામેન્ટમાં દમણના શ્રી પાર્થ જોષીએ ઉત્કૃષ્ટ પ્રદર્શન કરી અંડર-19 કેટેગરીમાં સિંગલ્સ અને ડબલ્સ બંને કેટેગરીમાં ફાઈનલમાં પોતાની જગ્યા બનાવવા સફળ રહ્યા છે. ફાઈનલ સિંગલ્સમાં શ્રી પાર્થ જોષીનો ગોવાના શ્રી અર્જુન ભગત અને ડબલ્સની ફાઈનલમાં શ્રીજય નાયક સાથે થયો હતો, જેમાં પરાજય થતાં સિલ્વર મેડલથી સંતોષ માનવા પડયો હતો.
અત્રે યાદ રહે કે, ગત પ્રથમ ગોવા સ્ટેટ ટુર્નામેન્ટમાં શ્રી પાર્થ જોષીએડબલ્સમાં સિલ્વર મેડલ હાંસલ કર્યો હતો. શ્રી પાર્થ જોષી હાલમાં ગોવા ખાતે ‘ખેલો ઈન્ડિયા‘ સ્ટેટ સેન્ટર ફોર એક્સલન્સમાં પ્રશિક્ષણ લઈ રહ્યા છે. આ જીત માટે તેમણે પોતાના કોચ શ્રી ઈરફાન ખાન અને ખેલો ઈન્ડિયા સેન્ટરના ડાયરેક્ટર શ્રી સુમિત મોહન રાજેશ્વરીને પોતાનો શ્રેય આપ્યો છે.
