(વર્તમાન પ્રવાહ વાપી બ્યુરો)
વાપી, તા.15: પારડીના ડુંગરી ખાતે ગતરોજ યુવાનનીબાઈક સ્લીપ થતા ઘાયલ સ્થિતિમાં યુવાનને વલસાડ સિવિલમાં સારવાર માટે ખસેડાયો હતો. ત્યારબાદ સારવાર દરમિયાન યુવાન મૃત્યુ પામ્યો હતો.
ડુંગરીના પરિવારજનો યુવાનનો મૃતદેહ લેવા વલસાડ સિવિલમાં પહોંચેલા પરંતુ કલાકો સુધી રજૂઆત કરી માંગણી કરતા રહ્યા પણ પી.એમ. બાકીનું રટણ પોલીસ અને તબીબો રટતા રહ્યા હતા. યુવાનનો મૃતદેહ કલાકો સુધી પી.એમ. માટે રઝળતો રહ્યો અને બીજી તરફ પરિવારજનોને પોલીસ અને તબીબો ખો આપતા રહ્યા હતા ત્યારે પરિવારજનોની સ્થિતિ દ્વિધા સાથે દયનીય બની રહી હતી.