(વર્તમાન પ્રવાહ ન્યુઝ નેટવક)
દમણ, તા.17: સંઘપ્રદેશ દાદરા નગર હવેલી અને દમણ-દીવની ત્રણેય જિલ્લા પંચાયતના પ્રમુખ અને ઉપપ્રમુખની અઢી વર્ષની મુદ્દત 18મી મેના રોજ પૂર્ણ થઈ રહી છે. જેના અનુસંધાનમાં આગામી અઢી વર્ષ માટે નવા પ્રમુખ અને ઉપપ્રમુખની પસંદગી પ્રક્રિયા માટેદાદરા નગર હવેલી જિલ્લા માટે કલેક્ટર શ્રીમતી ભાનુ પ્રભા, દમણ જિલ્લા માટે જિલ્લા કલેક્ટર શ્રી સૌરભ મિશ્રા અને દીવમાં જિલ્લા કલેક્ટર શ્રી ફરમન બ્રહ્માને પ્રિસાઈડીંગ ઓફિસર તરીકે નિયુક્ત કરવામાં આવ્યા છે. આ અધિકારીઓની અધ્યક્ષતામાં 18મી મે, ગુરૂવારના રોજ બપોરે 3 કલાકે ત્રણેય જિલ્લામાં બેઠક યોજાશે.
ઉપરોક્ત નિયુક્ત પ્રિસાઈડિંગ ઓફિસરો દાદરા નગર હવેલી અને દમણ અને દીવ જિલ્લા પંચાયતોના પ્રમુખ અને ઉપપ્રમુખની ચૂંટણી માટે નિયત ફોર્મમાં ચૂંટણી માટે નોટિસો જારી કરશે.
