(વર્તમાન પ્રવાહ ન્યુઝ નેટવર્ક)
દીવ, તા.21: કેન્દ્રશાસિત પ્રદેશ દીવનીસરકારી હોસ્પિટલના સામે આવેલ મેઈન રોડ પર માટી ભરેલો ડમ્પર ફસાયો, હાલ જ રોડ રસ્તાનું કામ ચાલી રહ્યું હતું જે જી-20 ને લીધે આ રોડ ને યુધ્ધના ધોરણે જેમ તેમ કામ પૂર્ણ કરી લોકો માટે ખુલ્લો મુકવામાં આવ્યો હતો. આજરોજ નાલિયા માંડવીથી માટી ભરી અને એક ડમ્પર દીવ પદ્મભૂષણ ક્રિકેટ ગ્રાઉન્ડમાં કામ અર્થે ખાલી કરવા માટે જઈ રહ્યો હતો, તે દરમિયાન સરકારી હોસ્પિટલ સામેના રસ્તા પર આ ડમ્પરના વ્હીલો રોડના કાચા કામમાં ખૂંચી અને ફસાઈ ગયા હતા. જો આ રોડના કાચા કામના કારણે આ ટ્રક વધારે નમ્યો હોત તો. મોટી દુર્ઘટના થઈ હોત, અને આસપાસથી અવરજવર કરનાર લોકોને પણ હાનિ પહોંચી હોત, આ ઘટનામાં ડ્રાઈવર સહી સલામત બચ્યા હતા.
