16 જિલ્લાના 35 ગામો સ્માર્ટ વિલેજમાં સમાવેશઃ 5 લાખનો વિશેષ પુરસ્કાર રકમ અપાશે
(વર્તમાન પ્રવાહ વાપી બ્યુરો)
વાપી, તા.02: તાજેતરમાં રાજ્યના મુખ્યમંત્રી ભુપેન્દ્રભાઈ પટેલે જાહેરાત કરી છે કે રાજ્યમાં તાલુકા દીઠ એક ગામ સ્મર્ટ વિલેજ બનાવવું પ્રથમ યાદીમાં 16 જિલ્લાના 35 ગામો સ્માર્ટ વિલેજ, ભિલાડ અને ઉદવાડા ગામોનો સ્માર્ટ વિલેજમાં સમાવેશ કરાયો છે.
વલસાડ જિલ્લાના પારડી તાલુકામાંથી ઉદવાડા, વાપી તાલુકામાંથી મોરાઈ અને ઉમરગામ તાલુકામાંથી ભિલાડનો સ્માર્ટ વિલેજમાં સમાવેશ કરાયો છે. આ દરેક ગામને સ્માર્ટ વિલેજ પ્રોત્સાહક યોજના સર્વાંગી વિકાસ માટે વધુ 5 લાખનો પુરસ્કાર આપવામાં આવશે. અધ્યતન પંચાયતનું નવું મકાન, ગામમાં રોડ, રસ્તા, પાણી, સ્ટ્રીટ લાઈટ સહિતની નાગરિકી સેવા સુવિધાઓ વધુ વિકાસ થાય તેવો રાજ્ય સરકારનો પ્રયાસ છે.