(વર્તમાન પ્રવાહ ન્યુઝ નેટવર્ક)
પારડી, તા.04: દમણ ફરવા આવેલ મહુવાના ચાર મિત્રો પરત ફરી રહ્યા હતા. આ દરમ્યાન કીકરલાથી પસાર થવા માર્ગ પરકારમાં આગ લાગતા કાર બળીને ખાક થવા પામી હતી. કારમાં ધુમાડાના ગોટા જોતા જ કારમાં સવાર મિત્રો કારમાંથી ઉતરી જતા તેમનો આબાદ બચાવ થયો હતો.
પારડીના કિકરલા ગામે પટેલ ફળીયાના માર્ગથી પસાર થતી જીજે-05-સીકે-5909 સ્વીફટ કારમાં અચાનક શોર્ટ સર્કિટના કારણે આગ લાગતા દોડધામ મચી જવા પામી હતી. જોકે જોતજોતામાં આગે વિકરાળ સ્વરૂપ ધારણ કરતા ઘટનાની જાણ પારડી પોલીસને કરાઈ હતી અને પારડી પોલીસે પારડી ફાયરની ટીમને જાણ કરતા ઘટના સ્થળે પારડી નગરપાલિકાની ફાયરની ટીમ પહોંચી હતી. પાણી મારો શરૂ કર્યો હતો પરંતુ આગમાં કાર બળીને ખાક થવા પામી હતી. જોકે કારમાં ધુમાડો નીકળતા કારમાં સવાર ચાર મિત્રો ધર્મેશ કાંતુભાઈ પટેલ, આનંદ નગિનભાઈ પટેલ, દીપેશ મગનભાઈ પટેલ, હિરેન રાજેશભાઈ પટેલ રહે.સુરત મહુવા કુરગામ સમય સુચકતા વાપરી કારમાંથી ઉતરી જતા જાન હાની થવા પામી ન હતી. આગને પગલે માર્ગ પર ટ્રાફિક જામના દ્રશ્યો સર્જાયા હતા અને પારડી પોલીસે ઘટના સ્થળે પહોંચી વધુ કાર્યવાહી હાથ ધરી હતી.
Previous post
Next Post