શાહબીના બાનું સ્ટેશન ઉપર ગભરાયેલી હાલતમાં રાતે ફરતી હતી ત્યારે રેલવે પોલીસને મળી આવી
(વર્તમાન પ્રવાહ વાપી બ્યુરો)
વાપી,તા.06: વલસાડ રેલવે પ્લેટફોર્મ નં.2-3 ઉપર ગત મધરાતે રેલવે પોલીસને અમદાવાદથી ઘર છોડી નિકળેલી 16 વર્ષિય તરૂણી મળી આવી હતી. એસ.એસ.સી.માં ટકા ઓછા આવતા માતાએ ઠપકો આપેલો તેથી માઠું લાગતા તા.05 ના રોજ તરૂણી ઘરેથી કોઈને કહ્યા વગર નિકળી ગઈ હતી.
વલસાડ રેલવે સ્ટેશન ઉપર રાતે જી.આર.પી. પી.એસ.આઈ. આર.જે. ગોહીલએ એસ.આઈ. બચુભાઈ, હે.કો. રવિન્દ્ર, પો.કો. રીટાબેન, સોનલબેન નાઈટ ડયુટીમાં હતા ત્યારે પ્લેટફોર્મ નં.2-3 ઉપર એક તરૂણી ગભરાયેલી હાલતમાં આંટા મારી રહી હતી. તેથી પોલીસને શંકા જતા મહિલા પો.કો. રીટાબેન-સાવિત્રીબેને તરૂણીને વહાલથી સમજાવી વિશ્વાસમાં લીધી ત્યારે તરૂણીએ તા.05ના રોજ માતાએ પરિણામ સારુ નહી આવતા ઠપકો આપેલ અને ઘરેથી નિકળી ગઈ હતી. પોલીસે માતાનો મોબાઈલ નંબર મેળવી પરિવારને જાણ કરી હતી ત્યારે જણાવેલ કે મારી પુત્રી શાહબીના બાનુ ઘરેથી કોઈને કહ્યા વગર તા.05ના રોજ નિકળી ગઈ છે. તેની ગુમ થયાની ફરિયાદ મોડલ પો.સ્ટે.માં કરી છે તેથી વલસાડ જી.આર.પી.એ મોડલ પોલીસને જાણ કરીને માતા-પરિવારને પોલીસ અમદાવાદથી આવતા વલસાડ જી.આર.પી.એ. પુત્રી શાહબીના બાનુંને પરિવાર સાથે મેળાપ કરાવી આપ્યો હતો.
