પોલીસ અને એફ.એસ.એલ.ની ટીમે કંકાલનો કબજો મેળવ્યો
(વર્તમાન પ્રવાહ વાપી બ્યુરો)
વાપી, તા.06: વલસાડ દરિયા કિનારે આજે મંગળવારે સવારે તિથલ દરિયા કિનારે સમુદ્રમાંથી આશરે 20 ફૂટ લાંબી માછલીનું કંકાલ તણાઈ આવેલું ગ્રામજનોને જોવા મળતા તિથલ ઓ.પી.ને જાણ કરી હતી. પોલીસ ઘટના સ્થળે આવી પહોંચી હતી.
દરિયાઈ જીવો અનેક કારણોસર દરિયામાં મૃત થતા હોય છે. પ્રદૂષણની અસર દરિયાઈ જીવો પર થતી હોય છે. તેથી જીવસૃષ્ટિ મોતને ભેટેલી હોય છે. તેવી એક વ્હેલ કે સાર્ક માછલી મરેલી હાલતમાં આજે તિથલ દરિયા કિનારે મળી આવી હતી. કુતુહલવશ સ્થાનિક ગ્રામજનો કિનારા ઉપર મહાકાય માછલી સ્થળે એફ.એસ.એલ.ની ટીમ સાથે આવી મૃત માછલીના સેમ્પલ લીધા હતા. ત્યારબાદ એક એન.જી.ઓ.એ માછલીની દફત ક્રિયા કરી હતી.
