(વર્તમાન પ્રવાહ ન્યુઝ નેટવર્ક)
સેલવાસ, તા.06: દાનહ સ્કાઉટ ગાઈડ ફેલોશીપ દ્વારા એસજીએફ વુમન્સ નાઈટ ફૂટબોલ ટૂર્નામેન્ટ સીઝન-2નું આયોજન સ્કાઉટ ગાઈડ સહસચિવ શ્રસ નેમિશ પટેલ દ્વારા કરવામાં આવ્યું હતું. આ ટૂર્નામેન્ટમાં 8 ટીમોએ ભાગ લીધો હતો. જેમાં ફાઇનલ મેચમાં મુખ્ય અતિથિ તરીકે દાનહ જિલ્લા કલેક્ટર શ્રીમતી ભાનુ પ્રભા ઉપસ્થિત રહી ફાઈનલમાં મેચ રમી રહેલ દરેક ખેલાડીઓને શુભકામના પાઠવી હતી.
ટૂર્નામેન્ટમાં ચેમ્પિયન બનેલ વાપીની એફ.સી. ટીમને અને રનર્સઅપ રહેલ એંજલ એફ.સી.ને ઉદ્યોગપતિ શ્રી ધવલભાઈ અરવિંદ પટેલના હસ્તે ટ્રોફી એનાયત કરવામાં આવી હતી. જ્યારે કળષ્ણા કેન્સર એડ એસોસિએશનના અધ્યક્ષ મીના તંવર દ્વારા દરેક ખેલાડીઓને મેડલ અને દાનહ સ્કાઉટ ગાઈડ શર્મિષ્ઠા દેસાઈએ ખેલાડીઓને પ્રમાણપત્રનું વિતરણ કરવામાં આવ્યું હતું. આ ટૂર્નામેન્ટના આયોજન માટે સેલવાસ સાયકલ મેયર સ્વરૂપા શાહગાઈડ કેપ્ટન રૂબીના સૈયદ, દાનહ સ્કાઉટ ગાઈડ ફેલોશીપ સભ્ય સ્તુતિ ગર્ગ, રાહુલ શાહ અને અંજલિ પાટીલનો વિશેષ સહયોગ રહ્યો હતો.
