કોન્સ્ટેબલ વોશરૂમમાં ગયો ત્યારે કાળી જર્શી વાળો ઈસમ કાર ચાલુ કરી લઈ ગયો
(વર્તમાન પ્રવાહ વાપી બ્યુરો)
વાપી, તા.07: વલસાડ રૂરલ પોલીસ સ્ટેશનમાં પ્રોહિબિશનના ગુના હેઠળ મુદ્દામાલ તરીકે રાખવામાં આવેલ હોન્ડા સિટી કાર કોઈ ચોર ઈસમ ડુપ્લીકેટ ચાવીથી કાર ચાલુ કરી ભાગીછૂટયાનો બનાવ પ્રકાશમાં આવ્યો છે.
તસ્કરો મંદિર હોય કે પોલીસ સ્ટેશન હોય ચોરીની કળા કરી જતા હોય છે. કંઈ તેવો જ બનાવ વલસાડ રૂરલ પોલીસ સ્ટેશન દફતરે નોંધાયો છે. આઈ હોસ્પિટલ નજીક રૂરલ પોલીસે ખુલ્લી જગ્યામાં પ્રોહિબિશન ગુનાની કાર પાર્ક કરી હતી. કોન્સ્ટેબલ વોશરૂમમાં ગયો તે તક ઝડપી કાળી જર્શી પહેરેલ ચોર ઈસમ હોન્ડાસીટી કાર નં.જીજે 05 સીબી 8235 ડુપ્લીકેટ ચાવીથી કાર સ્ટાર્ટ કરી લઈ છૂટયો. કોન્સ્ટેબલે અવાજ આવતા વોશરૂમ બહાર આવી જોયુ તો કાળી જર્શી વાળો ઈસમ કારને પુરઝડપે લઈ ભાગી રહ્યો હતો. ઘટના અંગે મુદ્દામાલ પેટેની રૂા.એક લાખ કાર ચોરી થયા અંગે પો.કો. બીપીન જયરામ પટેલએ ફરિયાદ નોંધાવી હતી.
