શુક્રવાર સુધી સરપંચ માટે 1048 અને સભ્યો માટે 4979 ઉમેદવારી ફોર્મ ભરાયા
(વર્તમાન પ્રવાહ વાપી બ્યુરો)
વાપી, તા.05
વલસાડ જિલ્લામાં 19 ડિસેમ્બરે યોજાનારી 334 ગ્રામ પંચાયતોની ચૂંટણી માટે ઉમેદવારોમાં પડાપડી જોવા મળી રહી છે. સભ્યો અને સરપંચ પદ માટે શનિવારે ફોર્મ ભરવાની અંતિમ તારીખે જે તે મામલતદાર કચેરીમાં લોકોની ભારે ભીડ જોવા મળી હતી.
વલસાડ જિલ્લાની 334 ગ્રામ પંચાયતોની ચૂંટણીમાં શુક્રવાર સુધીમાં સરપંચ માટે 1048 ઉમેદવારી ફોર્મ અને વોર્ડ સભ્યો માટે 4979 ઉમેદવારી ફોર્મ ભરાયા હતા. જોકે એમા શનિવારની અંતિમ તારીખનો આંક ઉમેરાશે. ત્યારબાદ પંચાયતોની ચૂંટણીનું ચિત્ર સ્પષ્ટ થશે. તો બીજી તરફ સમરસ ગ્રામ પંચાયત બનાવનાના પણ ભરપૂર પ્રયત્નો કરવામાં આવી રહ્યા છે.તેમાં ઝાઝી સફળતા મળી નથી. જિલ્લામાં માત્ર વાપી તાલુકાની 23 પંચાયતો પૈકી માત્ર કરાયા પંચાયત અને પારડી તાલુકાની 46 પંચાયતો પૈકી બગવાડ, સરોઘી, ઉદવાડા, અને ધગડમાળ એમ કુલ ચાર પંચાયતો સમરસ બની છે. બાકીની પંચાયતોમાં ચૂંટણી જંગ ખેલાશે
