(વર્તમાન પ્રવાહ ન્યુઝ નેટવર્ક)
સેલવાસ,તા.09 : દાદરાનગર હવેલીના નરોલી ગ્રામ પંચાયતના વિવિધ વિસ્તારોમાં ચોમાસા પૂર્વે જરૂરી પ્રિ-મોન્સૂનની કામગીરી પૂર્ણ થઈ છે. વરસાદ થવા પહેલાં જ્યાં જ્યાં વરસાદી પાણી ભરાઈ જતા હતા એવા નાળા, ખનકી, ગટર, રસ્તાઓની અલગ અલગ રીતે સાફ-સફાઈ કરી નરોલી ગામની જનતાને રાહત મળી શકે એવા પ્રયાસો હાથ ધરવા સરપંચ શ્રીમતી લીનાબેન પટેલ અને સભ્ય શ્રી યોગેશસિંહ સોલંકીએ દાનહ જિલ્લા પંચાયતના મુખ્ય કાર્યકરી અધિકારી ડો. અપૂર્વ શર્માને સમસ્યા અંગે રજૂઆત કરી હતી. જેના પગલે પ્રશાસનની ટીમના સહયોગ દ્વારા નરોલી ગામમાં પ્રિ-મોન્સૂનની કામગીરી પૂર્ણ થઈ છે. જેના કારણે આ વર્ષે ચોમાસા દરમ્યાન ગ્રામજનોને જે તે વિસ્તારમાં પાણી ભરાઈ જવાના બનતા બનાવોમાં હવે રાહત મળવાની સંભાવના વર્તાઈ રહી છે. પરંતુ કેટલી રાહત મળશે એ તો હવે આવનાર ચોમાસા દરમિયાન જ ખબર પડશે.
