વેજલપોર વૃંદાવન પાર્કમાં ઘટેલી ઘટના : માતા અને બાળકીનો ચમત્કારિક બચાવ: ઘર સામાન બળીને ખાખ
(વર્તમાન પ્રવાહ વાપી બ્યુરો)
વાપી, તા.11: વલસાડમાં ફલેટમાં ગત રાત્રે ફ્રિઝમાં શોર્ટ સર્કિટ સર્જાતા અચાનક આગ લાગી હતી. આગમાં સમય સુચકતા આધિન માતા-બાળકીનો ચમત્કારિક બચાવ થયો.
વલસાડ વેજલપોર રામનગરમાં આવેલ વૃંદાવન પાર્ક ફલેટ નં.305માં પ્રજ્ઞેશ સોલંકી અને તેમના પત્ની કૌશલ્યાબેન સોલંકી અઠવાડીયા પહેલાં જ ભાડેથી રહેવા આવ્યા હતા. ગત રાત્રે પતિ ચિખલી નોકરી જવા નિકળ્યા હતા ત્યારે ઘરમાં કૌશલ્યાબેન અને બાળકી સુતા હતા. મધરાતે ઘરમાં ધુવાડા જોતા કૌશલ્યાબેન તુરત બાળકી સાથે ઘરની બહાર નિકળી ગયા હતા. ઘરમાં ફ્રિઝ ભડભડ સળગતું હતું. પડોશીઓએ ફાયરને જાણ કરી હતી. પણ ત્રીજા માળે પાઈપપહોંચતી નહોતી તેથી જેમ તેમ અન્ય પાઈપોના જોડાણ કરી આગ બુઝાવી હતી. આગમાં ઘર વખરી સરસામાન બળીને ખાખ થઈ ગયું હતું.
