સંઘપ્રદેશના પ્રશાસક પ્રફુલભાઈ પટેલે દેવકા નમો પથ ખાતે યોગ અભ્યાસથી ઉપસ્થિત જનમેદનીને પ્રેરિત કરી
(વર્તમાન પ્રવાહ ન્યુઝ નેટવર્ક)
દમણ, તા.21: આંતરરાષ્ટ્રીય યોગ દિવસના ઉપક્રમે આજે સંઘપ્રદેશ દાદરા નગર હવેલી અને દમણ-દીવમાં યોજાયેલ યોગ અભ્યાસથી સમગ્ર પ્રદેશ યોગમય બની ગયો હતો. સંઘપ્રદેશ પ્રશાસન દ્વારા નમો પથ સમુદ્ર તટ દેવકા નાની દમણ ખાતે પ્રદેશ સ્તરીયઆંતરરાષ્ટ્રીય યોગ દિવસની ઉજવણીના કાર્યક્રમનું આયોજન કરવામાં આવ્યું હતું. જેમાં મુખ્ય અતિથિ તરીકે સંઘપ્રદેશના પ્રશાસક શ્રી પ્રફુલભાઈ પટેલે ઉપસ્થિત રહી યોગઅભ્યાસના માધ્યમથી ઉપસ્થિત હજારો યોગઅભ્યાસુઓને પ્રેરિત કર્યા હતા.
આજે દેવકા નમો પથ ખાતે યોજાયેલ આંતરરાષ્ટ્રીય યોગ દિવસના ઉપક્રમે 4 હજાર કરતા વધુ લોકોએ ભાગ લેતા સમગ્ર પ્રદેશ યોગમય બની ગયો હતો.
દીવ ખાતે ઘોઘલા બીચ, દીવ અને પાણીકોટા જેટી ફોર્ટ, આઈએનએસ ખુકરી ખાતે આંતરરાષ્ટ્રીય યોગ દિવસની ઉજવણી આનંદ અને ઉત્સાહ સાથે કરવામાં આવી હતી.
દમણ દેવકા નમો પથ ખાતે યોજાયેલ આંતરરાષ્ટ્રીય યોગ દિવસની ઉજવણીમાં દમણ-દીવના સાંસદ શ્રી લાલુભાઈ પટેલ, પૂર્વ સાંસદ શ્રી ગોપાલ દાદા, પ્રદેશ ભાજપ પ્રમુખ શ્રી દિપેશભાઈ ટંડેલ, પ્રદેશના યુવા નેતા શ્રી વિશાલભાઈ ટંડેલ, ડીઆઈએ પ્રમુખ શ્રી પવન અગ્રવાલ, દમણ ન.પા. અધ્યક્ષ શ્રી અસ્પીભાઈ દમણિયા સહિત અધિકારીઓ, આગેવાનો અને વિદ્યાર્થીઓ ઉપસ્થિત રહ્યા હતા.