કેટલાક ઉદ્યોગપતિઓને જલસા પડી ગયા છે તો કેટલાક નાહકના બદનામ થઈ રહ્યા છે
(વર્તમાન પ્રવાહ વાપી બ્યુરો)
વાપી, તા.02: વાપી જી.આઈ.ડી.સી.માં કરોડો રૂપિયાના ખર્ચે પ્રદૂષિત પાણી સી.ઈ.ટી.પી. પહોંચાડવાની ગટરો બનાવાઈ છે. પરંતુ આ ચોમાસામાં ખાટલે મોટી ખોડ જોવા મળી રહી છે કે સ્ટોમ વોટર ડેઈનની ગટરોના અડધા જામ પડયા છે તો અડધાના ઢાંકણ ગાયબ છે. વરસાદનું પાણી સાથે સાથે કેટલી કંપનીઓનું પ્રદૂષિત પાણી સીધુ ગટરમાં વહેવાવા માટેનો મોકળો માર્ગ બની રહ્યો છે.
જી.પી.સી.બી. પર્યાવરણના નામે ઉદ્યોગોને લાખો કરોડોની પેનલ્ટી લગાડતી આવી છે. નોટીફાઈડનો સમયસર ટેક્ષ ના ભરાય તો તાળા મારવા સુધી કાયદાકીય કાર્યવાહી થતી જોવા મળે છે. ઉદ્યોગકારોને નાહકના તતડાવવામાં આવતા હોવાના કિસ્સાબનતા રહ્યા છે પરંતુ નોટિફાઈડ દ્વારા પ્રિમોન્સુન કામગીરી કરાઈ નથી તેની ચાડી ખુલ્લી ગટરો ઢાંકણ વગરની આપી રહી છે. કેટલાક ઢાંકણ જામ છે તો કેટલાક તૂટી ગયા છે તો કેટલાક ઢાંકણ જ ગાયબ છે. જેથી તમામ મુખ્ય માર્ગો ઉપર વરસાદી પાણી સાથે કેમિકલયુક્ત પાણી ભળી રહ્યું છે. તો ક્યાંક વરસાદી પાણી સીધુ ગટરમાં ઘૂસી રહ્યું છે. આ સ્થિતિ ગટરોની ખસ્તાહાલ વચ્ચે કેટલાક ઉદ્યોગપતિઓ જલસા પડી ગયા તો કેટલાક નાહકના બદનામ થઈ રહ્યા છે.