ડોક્ટર ડેની ઉજવણી પણ કરાઈ : રક્તદાતાઓએ
ઉત્સાહભેર 111 યુનિટ રક્તદાન કર્યું
(વર્તમાન પ્રવાહ વાપી બ્યુરો)
વાપી, તા.02: વાપી યુ.પી.એલ. કંપનીમાં શનિવારે રોટરી ક્લબ ઓફ વાપી દ્વારા બ્લડ ડોનેશન કેમ્પનું આયોજન કરવામાં આવ્યું છે. છેલ્લા 12 વર્ષથી 1લી જુલાઈએ રોટરીના નૂતન વર્ષ પ્રારંભ દિને રક્તદાન કેમ્પનું આયોજન થાય છે. સાથે સાથે આ નિમિત્તે નવા પ્રમુખની પણ વરણી કરવામાં આવે છે.
તા.01 જુલાઈનો એક અન્ય મહિમા એ પણ છે 1 જુલાઈએ ડોક્ટર ડેની ઉજવણી પણ કરવામાં આવે છે. વાપી વિસ્તારમાં બ્લડની પુષ્કળ જરૂરીયાત નિરંતર રહે છે તેથી તેના ભાગરૂપે રોટરી ક્લબ ઓફ વાપીવર્ષ દરમિયાન 1500 થી વધુ યુનિટ રક્તદાન કરવાનો લક્ષ રાખે છે. જેના પ્રથમ દિવસે જ 111 યુનિટ રક્ત એકત્ર કરવામાં આવ્યું હતું. કેમ્પમાં યુ.પી.એલ. હેડ દિનેશ પાટીલે જણાવ્યું હતું કે, યુ.પી.એલ. અને રોટરી પરિવાર આ સાથે ડોક્ટર ડેની પણ ઉજવણી કરે છે. પાસ્ટ પ્રેસિડેન્ટ પ્રફુલ દેવાણીએ જણાવ્યું હતું કે, 1 જુલાઈએ રોટરીનું નવુ વર્ષ શરૂ થાય છે. નવા વર્ષના પ્રેસિડેન્ટ/સેક્રેટરીની વરણી પણ થશે. આ વર્ષે રોટરીએ વાપીમાં સ્પોટર્સ કોમ્પલેક્ષ બનાવવાની નેમ રાખી છે.
