છેલ્લા બત્રીસ વર્ષમાં જિલ્લામાં સરેરાશ 88.68 ઈંચ વરસાદ
(વર્તમાન પ્રવાહ વાપી બ્યુરો)
વાપી, તા.02: હવામાન અને કલેક્ટર કચેરીના આંકડા મુજબ વલસાડ જિલ્લામાં છેલ્લા 32 વર્ષમાં 2217 એમ.એમ. એટલે કે 88.68 ઈંચ સરેરાશ વરસાદ નોંધાયો છે. જ્યારે વાપીમાં છેલ્લા બે વર્ષ 100 ઈંચ વરસાદ પડે છે. એટલે કે સરેરાશ વરસાદથી વધુ વરસાદ વાપીમાં પડે છે. વાપીમાં અત્યાર સુધી 25 ઈંચ જેટલો વરસાદ પડી ચૂક્યો છે. હજુ જુલાઈ માસમાં વધુ વરસાદ પડશે.
વલસાડ જિલ્લામાં સતત છ દિવસ વરસાદનીહેલી ચાલી રહી છે. જળ ત્યાં સ્થળ અને જળ સ્થળ ત્યાં જળની સ્થિતિ ઉભી થઈ ચૂકી છે. નદી, નાળા ઉભરાવા લાગ્યા છે. અનેક ઝાડ અને મકાનો વરસાદ પડી ચૂક્યા છે. વરસાદ છ દિવસ તોફાની બન્યા બાદ આજે રવિવારે વરસાદે વિરામ લેતા લોકોએ રાહત અનુભવી હતી. આજે સુરજ દેખાયો હતો, તડકો આવતા વાતાવરણ પણ પલટાયું હતું. સમય કરતા આઠ-દશ દિવસ મોડા આવેલા વરસાદે પ્રથમ વરસાદમાં ક્યાંક રોદ્ર સ્વરૂપ લઈ લેતા જનજીવન અસ્તવ્યસ્ત બની ચૂક્યું હતું. પરંતુ રવિવારે વરસાદે વિરામ લેતા લોકો હાશકારો અનુભવી રહ્યા છે.
