સદ્નસીબે મોટી દુર્ઘટના ટળી : મુસાફરોના જીવ પડીકે બંધાઈ ચૂક્યા હતા
(વર્તમાન પ્રવાહ વાપી બ્યુરો)
વાપી, તા.11: નાસિકથી વલસાડ આવવા નિકળેલી એસ.ટી. બસને અકસ્માત નડયો હતો. નાસિક હાઈવે માંડવા અક્ષા હોટલ પાસે કપરાડા ઘાટ ઉતરતા બસની બ્રેક ફેઈલ થતા બસ ડીવાઈડર ઉપર ચઢી જઈ અટકી પડતા મોટી દુર્ઘટના ટળી હતી.
કપરાડા કુંભઘાટ અકસ્માત ઝોન બની ચુક્યો છે. જોખમી વળાંકો ધરાવતા આ ઘાટ ઉપર નિરંતર વાહનોના અકસ્માતો સર્જાતા રહે છે. આજે નાસિકથી વલસાડ આવી રહેલી બસ નં.જીજે 18 ઝેડ 6806 કુંભઘાટ ઉપર બ્રેક ફેઈલ થઈ જતા ચાલકે કાબુ ગુમાવ્યો હતો. બસ સદ્નસીબે રોડના ડિવાઈડર ઉપર ચઢી અટકી જતા મોટી દુર્ઘટના ટળી હતી. ડિવાઈડર ઉપર બસ અટકીના હોત તો પલટી મારી જાત અસ્માતમાં બસમાં બેઠેલા મુસાફરો બુમાબુમ કરી મુકી હતી. જો કે સલામત રીતે તમામ મુસાફરો બસની બહાર નિકળી આવતા શાંતિ અનુભવી હતી.
