(વર્તમાન પ્રવાહ ન્યુઝ નેટવર્ક)
ચીખલી,(વંકાલ),તા.26: છેલ્લા કેટલાક દિવસોથી ગરમીનું પ્રમાણ વધી જવા પામ્યું છે. તે દરમ્યાન શુક્રવારના રોજ વહેલી સવારે વાદળો ઘેરાવા સાથે સૂરજદાદાના દર્શન ﾗદુર્લભ થયા હતા. અને અચાનક વરસાદના છાંટા શરૂ થયા હતા. અને ઠંડો પવન ફૂંકાતા એક સમયે વાતાવરણ ઠંડુંગાર બની જવા પામ્યું હતું. જેના થોડા સમયના અંતરે ફરી વરસાદનું આગમન થયું હતું. અને માર્ગો પણ ભીંજાય જવા પામ્યા હતા. જોકે કેટલાક ગામોમાં તો નોંધપાત્ર વરસાદ વરસ્યો હોવાનું જાણવા મળ્યું હતું. જોકે બાદમાં વાતાવરણમાં બફારા પ્રમાણ વધી જવા પામ્યું હતું.
હાલે ચીખલી તાલુકા સહિત સમગ્ર વિસ્તારમાં લગ્નની મોસમ જામેલી હોય મોટા પ્રમાણમાં લગ્ન પ્રસંગો વચ્ચે વહેલી સવારે વરસાદનું આગમન થતા લગ્નના આયોજકોમાં ઉચાટ ફેલાવા પામ્યો હતો. અને દોડધામ વધી જવા પામી હતી. જોકે બાદમાં વાતાવરણ ખુલી જતા રાહત થવા પામી હતી.
બીજી તરફ માવઠાથી કેરી સહિતના ખેતીપાકોને પણ નુકશાનની ભીતિથી ખેડૂતોમાં ચિંતા ફેલાઈ જવા પામી હતી.
