(વર્તમાન પ્રવાહ ન્યુઝ નેટવર્ક)
પારડી, તા.12: પારડી પોલીસ પેટ્રોલિંગ કરી રહી હતી તે દરમિયાન પૂર્વ બાતમીના આધારે પારડી ચાર રસ્તાના ઓવરબ્રિજ પાસે વોચ ગોઠવી હતી અને બાતમી વાળો રિક્ષા ટેમ્પો નંબર જીજે-05-એવી-1320 આવતા પોલીસે અટકાવ્યો હતો અને તલાશી લેવામાં આવતા ટેમ્પાના પાછળના ભાગે પ્લાસ્ટિક ભંગારનો જથ્થો મળ્યો હતો અને જેના નીચે સંતાડી લઈ જવાતી દારૂની બોટલ નંગ 177 જેની કિંમત રૂા.10,050નો જથ્થો મળી આવતા ચાલક વિનાયક રાયસિંગ વસાવા યુએવી 31 મેઘ પ્લાઝા પલસાણા સુરત, અને સાથે બેસેલો લાલચંદ ગુરુદ્દીન મોર્ય રહે.ક્રિષ્ના રેસીડેન્સી પલસાણા સુરતની ધરપકડ કરી હતી અને દારૂ અને ટેમ્પો મળી કુલ રૂા.20,050નો જથ્થો કબ્જે લઈ પારડીપોલીસે વધુ કાર્યવાહી હાથ ધરી છે.
