હાઈવે ટોટલી ખાલી હોવા છતા બેફામ ડ્રાઈવિંગે અકસ્માત સર્જ્યો
(વર્તમાન પ્રવાહ વાપી બ્યુરો)
વાપી, તા.14: વલસાડ નેશનલ હાઈવે સરોણ પાસે આજે સવારે ગમખ્વાર અકસ્માત સર્જાયો હતો. સુરત તરફથી આવી રહેલ પીકઅપ વાને હાઈવે ઉપર રોડની સાઈડમાં ઉભેલા ડમ્પર સાથે ધડાકાભેર અતડાતા જીવલેણ અકસ્માત સર્જાયો હતો. હાઈવે ટોટલખાલી હોવા છતાં પીકઅપ ચાલકે બેફામ ડ્રાઈવિંગ કરતા અકસ્માત આમંત્ર્યો હતો.
વલસાડ સરોણ હાઈવે ઉપર સુરત તરફથી આવી રહેલ બોલેરો પીકઅપ નં.જીજે 05 સી.યુ.ના ચાલકે રાઈડ સાઈડ ઉભેલા ડમ્પર સાથે પીકઅપ અથડાવી દીધી હતી. જેમાં પીકઅપ સવાર ત્રણ પૈકી એકનું ઘટના સ્થળે સરફરાજભાઈનું મોત નિપજ્યું હતું. જ્યારે ગંભીર રીતે ઘાયલ થયેલ અન્ય બે ને 108 મારફતે સિવિલમાં સારવાર માટે ખસેડાયા હતા. જેમની હાલત નાજુર હોવાનું જાણવા મળ્યું છે. બેફામ ડ્રાઈવિંગ થકી સર્જાયેલ આ અકસ્માતમાં પીકઅપનો ખુરદો બોલાઈ ગયો હતો.
