(વર્તમાન પ્રવાહ ન્યુઝ નેટવર્ક)
હિંમતનગર, તા.14: વરસાદની સિઝન ચાલુ થઈગઈ છે ત્યારે ટ્રાફિક પોલીસના સાથે સાથે ટીઆરબી જવાનો પણ ટ્રાફિક નિયમનમાં નિષ્ઠાપૂર્વક ફરજ બજાવે છે ત્યારે વરસાદી સિઝનમાં વરસાદથી રક્ષણ મેળવવા સાબરકાંઠા જિલ્લાના હિંમતનગર ડીએસપી કચેરી ખાતે સાબર ટ્રાફિક એજ્યુકેશન ટ્રસ્ટ દ્વારા ટીઆરબી જવાનો માટે રેઈનકોટ વિતરણ કાર્યક્રમ યોજાયો હતો. સાબરકાંઠા જિલ્લાના અલગ અલગ પોલીસ સ્ટેશનમાં ફરજ બજાવતા 96 જેટલા ટીઆરબી જવાનોને વરસાદથી રક્ષણ મેળવવા રેઈનકોટ વિતરણ કરવામાં આવ્યા હતા. આ કાર્યક્રમમાં સાબરકાંઠા જિલ્લા પોલીસ વડા વિશાલ વાઘેલા, સાબર ટ્રાફિક એજ્યુકેશન ટ્રસ્ટના પ્રમુખ ગોપાલ સિંહ રાઠોડ ઉપસ્થિત રહ્યા હતા. સાબરકાંઠા જિલ્લાના અલગ અલગ પોલીસ સ્ટેશનમાં ફરજ બજાવતા ટીઆરપી જવાનો આ કાર્યક્રમમાં હાજર રહી વરસાદથી રક્ષણ મેળવવા નિઃશુલ્ક રેઈનકોટ મેળવ્યા હતા.