-
મોટી દમણના ઢોલર ચાર રસ્તાથી ફૂટબોલ ગ્રાઉન્ડ સુધીના પહોળા થયેલા રસ્તા ઉપર માર્કેટની આજુબાજુ થતું આડેધડ પાર્કિંગ
-
મોટી દમણમાં પાર્કિંગની કોઈ જગ્યા નથી ત્યારે ખાલી પડેલ ગ્રાઉન્ડનો ઉપયોગ પાર્કિંગ તરીકે કરવા વ્યક્ત થઈ રહેલા સૂચનો
(તસવીર અહેવાલઃ રાહુલધોડી દ્વારા)
(વર્તમાન પ્રવાહ ન્યુઝ નેટવર્ક)
દમણ, તા.17 : મોટી દમણના મચ્છી અને શાકભાજી વેચનારાઓને નવનિર્મિત આલીશાન માર્કેટમાં ખસેડાતા હવે દમણ ન.પા.ના ગ્રાઉન્ડની જગ્યા ખાલી થવા પામી છે. મોટી દમણમાં પ્રવાસીઓ અને સ્થાનિકોની વધેલી અવર-જવરના કારણે વાહનો પાર્કિંગ કરવા માટે ખુબ જ મુશ્કેલીનો સામનો કરવો પડી રહ્યો છે. તેથી શાકભાજી અને મચ્છી વિક્રેતાઓ નવી માર્કેટમાં શિફટ થવાથી ખાલી પડેલી જગ્યાનો ઉપયોગ હાલમાં પાર્કિંગ તરીકે કરવા લોકોની લાગણી વ્યક્ત થઈ રહી છે.
અત્રે નોંધનીય છે કે, ઢોલર ચાર રસ્તાથી મોટી દમણ ફૂટબોલ ગ્રાઉન્ડ સુધીના વિસ્તૃત થયેલા રસ્તા ઉપર પાર્કિંગની વ્યવસ્થા નહીં હોવાથી હાલમાં આ રોડ ઉપર જ આડેધડ વાહનોનું પાર્કિંગ થઈ રહ્યું છે. હવે ખાલી પડેલ શાકભાજી અને મચ્છી માર્કેટની જગ્યાએ પાર્કિંગની સુવિધા ઉપલબ્ધ કરાવવામાં આવે તો ખુબ જ અનુﾗકૂળતા થવાની સંભાવના છે. આ મુદ્દે દમણ નગરપાલિકાના તંત્રવાહકો યોગ્ય કાર્યવાહી કરે એવી માંગણી બુલંદ બની રહી છે.
