November 30, 2025
Vartman Pravah
Breaking Newsસેલવાસ

દાનહ સુરંગી ગામે સનાતન કંપનીમાં કોપર વાયરની ચોરીના ૬ આરોપીઓની ધરપકડ

ચોરીની ઘટના સીસીટીવીમાં કેદ થતાં ભેદ ઉકેલવા પોલીસને થયેલી સરળતા

(વર્તમાન પ્રવાહ ન્યુઝ નેટવર્ક)
સેલવાસ, તા.૦૬
દાનહ પોલીસ દ્વારા સુરંગી ગામે આવેલ સનાતન કંપનીમા ગત ૩૦મી ઓગસ્ટના રોજ બે અજાણ્યા વ્યક્તિઓ અંદર ઘુસી કોપર વાયરની ચોરી કરી રહ્ના હોવાની ઘટના સીસીટીવીમાં કેદ થઇ હતી. જેના આધારે સનાતન કંપનીના જનરલ મેનેજર શ્રી સંદીપ સુખલાલ ગોટી રહેવાસી પાર્ક સીટી સેલવાસ જેઓઍ ખાનવેલ પોલીસ સ્ટેશનમાં કંપનીના સ્ટોર રુમમાંથી અંદાજીત ઍક લાખ રૂપિયાનો કોપર વાયર ચોરાયો હોવાની ફરિયાદ નોંધાવી હતી.આ સાથે સીસીટીવીના ફુટેજ પણ આપ્યા હતા. જેના આધારે પોલીસે આઇપીસી ૩૮૦, ૪૫૭, ૩૪ મુજબ ફરિયાદ નોંધી તપાસ હાથ ધરી હતી.
સીસીટીવીમાં જે બે વ્યક્તિઓ જોવા મળેલ તેઓમાં (૧)નવીન શ્રવણ ઢંગડા રહેવાસી સાવરપાડા સુરંગી, (૨) વિશાલ કુર્શન દાવરીયા રહેવાસી ચીખલી તેમની પૂછપરછ કરતા તેઓ સાથે બીજા બે વ્યક્તિ મુકેશ શ્રવણ ઢંગડા અને સંતોષ ઉર્ફે ચટાઈ અરવિંદ ઢંગડા સાથે મનીષ કિશોર પટેલ રહેવાસી સાવરપાડા સુરંગી જેઓ પણ આ ચોરીમા સામેલ હોવાનું જણાવ્યુ હતુ. આ ત્રણ આરોપીઓ કંપની પરિસરની સાઈડ પર દીવાલની બાજુમાં રાહ જોઈને ઉભા હતા. બાદમા ૪૩ કિલો કોપર કેબલને ફોરેસ્ટની જગ્યા પર સળગાવી દીધા હતા. આ સાથે બીજા કેબલને ખડોલી ગામના ભંગારનો ધંધો કરનાર લાલજી રામપ્રિત ચૌધરી હાલ રહેવાસી ખડોલી નવાપાડા મુળ રહેવાસી સિદ્ધાર્થ નગર યુપી. જેઓને કોપર વેચવામા આવ્યો હતો.
ચોરી કરનાર પાંચ આરોપી સાથે માલ ખરીદનાર મળી કુલ છ આરોપીઓની ધરપકડ કરી મુદ્દામાલ કબ્જે કરવામા આવ્યો હતો. આરોપીઓને કોર્ટમા રજૂ કરતા બે દિવસના પોલીસ કસ્ટડી આપવામા આવ્યા હતા.આ કેસની વધુ તપાસ ખાનવેલ પોલીસ કરી રહી છે.

Related posts

પારડીમાં વાપી-ધુલે એસ. ટી. બસને નડ્‍યો અકસ્‍માત: બસમાં સવાર 60 જેટલા મુસાફરોનો ચમત્‍કારિક બચાવ

vartmanpravah

પારડી વાઘછીપાની કિશોરી ધો.12 સાયન્‍સમાં નાપાસ થતા હતાશામાં પાર નદીના પુલ ઉપરથી મોતની છલાંગ લગાવી

vartmanpravah

‘સતર્કતા જાગરૂકતા સપ્તાહ-2023′ અંતર્ગત મોટી દમણના મગરવાડા ‘પાવર ગ્રીડ’ દ્વારા પદયાત્રા યોજાઈઃ ભ્રષ્‍ટાચાર વિરૂદ્ધ કરેલા સૂત્રોચ્‍ચાર

vartmanpravah

ચીખલી પોલીસે બામણવેલથી જુગાર રમતા ૧૨ ઈસમોને ઝડપી પાડ્યા

vartmanpravah

વાપી સલવાવ સ્‍વામિનારાયણ ફાર્મસી કોલેજમાં ઉદ્યોગ સાહસિક દિવસ 2024 ની ઉજવણી કરાઈ

vartmanpravah

ધરમપુર વિરવલ હાઈસ્‍કૂલ વિદ્યાર્થીઓ જર્જરીત ઓરડામાં ભણવા લાચાર : ચોમાસામાં સ્‍થિતિ દયનિય

vartmanpravah

Leave a Comment