પાલિકાએ જેસીબી દ્વારા નાળું નંખાવી પાણીનો કર્યો નિકાલ: હોટલ વિશ્રામના નવા ગેસ્ટ હાઉસના પીસીસીમાં નાળું પુરાઈ જતા ભરાયા પાણી
(વર્તમાન પ્રવાહ ન્યુઝ નેટવર્ક)
પારડી, તા.23: ગત રાત્રી દરમિયાન સતત વરસી રહેલા વરસાદને લઈ પારડી સ્વાધ્યાય મંડળ રોડ ખાતે આવેલ સનરાઈઝ સ્કૂલના રસ્તા ઉપર ઘૂંટણ સમા પાણી ભરાઈ જતા સ્કૂલમાં અભ્યાસ કરતા 1થી 12 ધોરણના વિદ્યાર્થીઓને જાનના જોખમે સ્કૂલમાં પ્રવેશવા પડ્યું હતું.
આ અંગેની જાણ કિરણભાઈ પટેલને થતા તેઓએ તાત્કાલિક પારડી નગરપાલિકાને જાણ કરતા પારડી નગરપાલિકાનો સ્ટાફ તાત્કાલિક જેસીબી લઈ સ્થળ પર પહોંચી જઈ નવા નાળા નાખીસ્કૂલમાંથી બાળકોને રજા મળે તે પહેલા પાણીનો નિકાલ કરી તમામ બાળકો સહી સલામત ઘરે પહોંચે એવી વ્યવસ્થા કરી દેવામાં આવી હતી.
.jpeg)
આ અંગે સ્કૂલની નજદિક જ રહેતા અને સામાજિક કાર્યકર એવા કિરણભાઈ પટેલે જણાવ્યું હતું કે આજ સુધી અહીં પાણી ભરાવાની કોઈ સમસ્યા ઉદભવી ન હતી પરંતુ સ્કૂલ નજીક આવેલ હોટલ વિશ્રામે નવું ગેસ્ટ હાઉસ બનાવી પીસીસી કરતા આ પીસીસીમાં પાણી નિકાલ થવાનું નાળું પુરાઈ જતા અહીં પાણી ભરાવાની સમસ્યા ઉદભવી હતી જે પારડી નગર પાલિકા દ્વારા નવું નાળું નાખી દૂર કરવામાં આવી છે.
