ગત શુક્રવારે રાતે તેજસ પેટ્રોલીયમમાં
રૂા.7:34 લાખની લૂંટની ઘટના ઘટી હતી
(વર્તમાન પ્રવાહ વાપી બ્યુરો)
વાપી, તા.24: કપરાડાના દિક્ષલ ગામે હાઈવે ઉપર આવેલ તેજસ પેટ્રોલ પમ્પ ઉપર ગત શુક્રવારે રાતે સાતથી આઠ ધાડપાડુઓએ પમ્પના કર્મચારીઓને બંધક બનાવી રૂા.7.34 લાખની દીલધડક લૂંટ ચલાવી હતી. આ લૂંટ પ્રકરણના એક પછી એક આરોપી ઝડપાઈ રહ્યા છે. પોલીસે વાપીથી વધુ બે આરોપીને ઝડપી લીધા છે.
દિક્ષલના તેજસ પેટ્રોલ પમ્પ ઉપર રાતે ત્રાટકેલા ધાડપાડુઓએ કર્મચારીને બંધક બનાવીને લોકર તોડી રૂા.7.34 લાખની રોકડ ચોરી ઈકો કારમાં ભાગી છૂટયા હતા. ઘટનાની પોલીસને જાણ કરાતા પોલીસે નાકાબંધી કરી હતી. જેમાં હોન્ડા ચેકપોસ્ટ ઉપર ઈકો કાર છોડી આરોપી ભાગેલા, જેમાં એક પકડાઈ ગયો હતો અને કાર મળી આવી હતી. ઘટના બાદ એલ.સી.બી.એ જુદી જુદી ટીમો બનાવી ગુનાના ઉકેલ માટે જબરજસ્થ કવાયત હાથ ધરી હતી. જેમાં સફળતા પણ મળી ગઈ છે. આ ગુનાના બે આરોપી વાપીથી ઝડપી લેવાયા છે. દિલીપ વરઠા રહે.તલાસરી પાલઘર અને બીજો હરેશ દશમા વારઘોડીયા લુહારી ગામ ખાડીપાડા સેલવાસનો છે.
