(વર્તમાન પ્રવાહ ન્યુઝ નેટવર્ક)
પારડી, તા.30: દારૂ હેરાફેરી કરવા માટે બુટલેગરો અવનવી તરકીબો અજમાવતા હોય છે. ત્યારે દમણથી એક ઈકો કારમાં દારૂનો જથ્થો ભરી નીકળી હોવાની બાતમી કલસર ચેકપોસ્ટ પર વાહન ચેકિંગનું કામ કરતી પારડી પોલીસને મળતા પારડી પોલીસે દમણ તરફથી આવેલી ઈકો કાર નંબર જીજે 16 એપી 0696 ને અટકાવી હતી અને તલાસી લેતા કારના સ્ટેપની ટાયર અને પાછળની સીટ પાસે પગ મુકવાના જગ્યાએ ચોરખાના મળ્યા હતા. જેમાંથી પોલીસને વિદેશી દારૂના પાઉચ નંગ 383 જેની કિંમત રૂા.47,875 મળી આવતા ચાલક મોહમ્મદ ઉર્વેશ સકીલા એહમદ ઘંટીવાલા અને સલમાન ખાન બંને રહે.અંકલેશ્વર ભરૂચની ધરપકડ કરવામાં આવી છે અને પોલીસે દારૂ અને કાર મળી રૂા.2,57,875 નો મુદ્દામાલ કબજે લઈ આ દારૂ હેરાફેરીમાં સંડોવાયેલા સાલેર ઉર્ફેશાહરૂખ મહેબુબ પઠાણ રહે.અંકલેશ્વર પોલીસ ચોકી આગળ અને અન્ય એક ઈસમને પારડી પોલીસે વોન્ટેડ જાહેર કર્યો છે.
