આરોપી વડોદરા પારૂલ યુનિવર્સિટીના વિદ્યાર્થીઓ નિકળ્યા
(વર્તમાન પ્રવાહ વાપી બ્યુરો)
વાપી, તા.30: વલસાડ ધરમપુર હાઈવે ચાર રસ્તા ઉપર દારૂનો જથ્થો સેવરોલેટ કારમાં લઈ જતા પોલીસે ત્રમ વિદેશીઓને ઝડપી લીધા હતા. દમણથી દારૂ વડોદરા લઈ જતા હોવાનું તપાસમાં બહાર આવ્યું છે.
પ્રાપ્ત વિગતો અનુસાર ધરમપુર ચાર રસ્તા પર તાજીયા ઉપલક્ષમાં પોલીસ વાહન ચેકીંગમાં હતી તે દરમિયાન સેવરોલેટ કાર નં.જીજે 16 એજે 3036 ને અટકાવી ચેકીંગ કર્યું હતું. કારમાં વિદેશી દારૂની 88 બોટલ ડીકીમાંથી મળી આવી હતી. પોલીસે પૂછપરછ કરતા આ ત્રણેય નાઈઝીરિયન મનાતા વિદેશી નાગરિક નિકળ્યા હતા. તેમણે જણાવ્યા અનુસાર તેઓ પારૂલ યુનિવર્સિટી વડોદરાના વિદ્યાર્થીઓ છે.પોલીસે કાર ચાલક માઈકલ મેથ્યુ એન.ક્યું, ખ્રિચીયન રેમી અને મહિલા નોવાથેમ્પાની અટક કરી હતી. કાર, મોબાઈલ અને દારૂનો જથ્થો મળી રૂા.2,62,200 નો મુદ્દામાલ જપ્ત કરી પોલીસે કાયદેસરની કાર્યવાહી કરી હતી.