-
પ્રશાસકશ્રીએ દમણની નિર્માણાધિન સરકારી કોલેજના કેમ્પસની પણ લીધેલી મુલાકાત
-
પ્રશાસક પ્રફુલભાઈ પટેલે જમ્પોર બીચ ખાતે રિમોટથી સંચાલિત થતાં લાઈફ સેવિંગ બોઈનો નિહાળેલો ડેમો
(વર્તમાન પ્રવાહ ન્યુઝ નેટવર્ક)
દમણ, તા.05 : સંઘપ્રદેશના પ્રશાસક શ્રી પ્રફુલભાઈ પટેલે આજે શનિવારે રજાના દિવસે દમણના વિવિધ નિર્માણાધીન વિકાસકામોના પ્રોજેક્ટોનું નિરીક્ષણ કરી જરૂરી દિશા-નિર્દેશો આપ્યા હતા.
પ્રાપ્ત માહિતી પ્રમાણે મોટી દમણનું ભવિષ્ય બદલનારા જમ્પોરના બર્ડ સેન્ચુરી(પક્ષીઘર)ના થઈ રહેલા કામનું નિરીક્ષણ કર્યું હતું. આ બર્ડ સેન્ચુરી પ્રવાસીઓ માટે મોટું આકર્ષણનું કેન્દ્ર બનવાનું હોવાથી મોટી દમણની પણ સૂરત અને સિકલ બદલાઈ જશે. પ્રશાસકશ્રીએ રિમોટથી સંચાલિત થતાં લાઇફ સેવિંગ બોઈનો ડેમો પણ નિહાળ્યો હતો. જેના કારણે દરિયા કિનારે થતાં અકસ્માતમાં જીવનરક્ષક તરીકે કામ કરશે.
પ્રશાસક શ્રી પ્રફુલભાઈ પટેલે સરકારી કોલેજનું પણ નિરીક્ષણ કર્યું હતું અને જરૂરી દિશા-નિર્દેશો પણ આપ્યા હતા.
