કલગામના ગ્રામજનો દ્વારા મારી માટી મારો દેશ કાર્યક્રમની ભવ્‍ય ઉજવણી

(વર્તમાન પ્રવાહ ન્‍યુઝ નેટવર્ક)
સરીગામ, તા.11: ઉમરગામ તાલુકાની કલગામ ગ્રામપંચાયત તથા ગુજરાત રિઝર્વ પોલિસ દળ-14 કલગામ ના સંયુક્‍ત ઉપક્રમે રાજ્‍યભરમાં ચાલી રહેલા મારી માટી મારો દેશ અભિયાન કાર્યક્રમની ભવ્‍ય ઉજવણી કરવામાં આવી હતી.
ઉમરગામ તાલુકાના કલગામ ખાતે આવેલા હનુમાન મંદિર તળાવ પર યોજાયેલા આ કાર્યક્રમાં વલસાડ જિલ્લા પંચાયતના પ્રમુખ શ્રીમતિ અલકાબેન શાહ અને સરપંચ રોહિતભાઈ હળપતિના હસ્‍તે અમૃત સરોવર પર શીલા ફલકમનુ અનાવરણ કરવામાં આવ્‍યુ હતું. એસ.આર.પી કેમ્‍પ-14 કલગામના ડી.વાય.એસ.પી. એચ.વી.દેસાઈ, માર્ગ-મકાન વિભાગના કાર્યપાલક ઈજનેર તેજસ પટેલ, ઉમરગામ એપીએમસીના પ્રમુખ હર્ષદભાઈ છાજેલ, ઉપ પ્રમુખ પ્રકાશ પટેલ, ઉમરગામ તાલુકા પંચાયત ઉપ પ્રમુખ શ્રીમતિ પ્રતિમાબેન પટેલ, યુવા શક્‍તિના ચેરીટેબલ ટ્રસ્‍ટના ચેરમેન રાકેશ રાય, વલસાડ એસ.ટી. વિભાગના કર્મચારી મહામંડળના સેક્રટરી ધનસુખ પટેલ, ગામના અગ્રણી અશોક ઠાકુર વિગેરે મહાનુભાવોના હસ્‍તે દિપ પ્રાગટય કરી કાર્યક્રમની શરૂઆત કરી, કલગામ પટેલવાડના માજી સૌનિક રામાભાઈ જોગી તથા નિવૃત્ત પોલિસ જવાન એવાસ્‍વ.બાવા ખુશાલ સોરઠી, સ્‍વ.બાબુભાઈ સોમલના સોરઠીના પરિવારજનોને ગ્રામ પંચાયત દ્વારા મરણોત્તર સન્‍માનપત્ર આપી સન્‍માનિત કર્યા હતા. કાર્યક્રમમાં ઉપસ્‍થિત મહાનુભાવોએ દેશપ્રેમ અને વતન પ્રેમ અંગે આપણે દેશના અને ગામના નાગરિક તરીકે આપણી નૈતિક જવાબદારીઓ અદા કરી દેશની આઝાદીનું જતન કરવાની જવાબદારીઓ સાથે દેશના અનેક શહિદો અને સ્‍વાતંત્ર્ય સેનાનિઓના બલીદાનો પ્રત્‍યે રૂણ અદા કરીયે એવી વતન પ્રેમની ભાવના સાથે મોટી સંખ્‍યામાં હાજર ગ્રામજનોએ હાથમાં માટી લઈ સંકલ્‍પ કર્યો હતો.
કાર્યક્રમમાં રાષ્‍ટ્રધ્‍વજને સલામી સાથે પોલિસ દળના પોલિસ જવાનોએ શિસ્‍તબધ્‍ધ રીતે પોલિસ બેન્‍ડ વગાડી રાષ્‍ટ્રગાન કરી સૌના હૃદય જીતી લીધા હતા. કાર્યક્રમની આભારવિધી ગ્રામ પંચાયતના ઉપ સરપંચ રસીક પટેલે કરી હતી. કાર્યક્રમનું સંચાલન મુકેશભાઈ બારી તથા તલાટી કમ મંત્રી શૈલેષભાઈ બાંભણીયાએ કરી હતી. કાર્યક્રમના અંતમાં તળાવની પાળે ગ્રામજનો અને મહાનુભાવોના હસ્‍તે 200થી વધુ વૃક્ષો રોપીને તળાવને હરિયાળુ બનાવવાનો સંકલ્‍પ કર્યો હતો. આ સમગ્ર કાર્યક્રમમાં એસઆરપી કેમ્‍પ-14 કલગામના પોલિસ જવાનોની પરેડ સાથે પોલિસ અલગ અલગ કાર્યક્રમો સમયે વાગતી પોલિસ બેન્‍ડ સૌ ગ્રામજનોમાં આકર્ષણનું કેન્‍દ્ર બની રહેવા સાથે સમગ્ર તાલુકામાં કલગામ ગ્રામપંચાયત દ્વારા યોજાયેલ મારી માટી મારો દેશ કાર્યક્રમની અનોખી રીતે ભવ્‍ય ઉજવણી કરવામાં આવી હતી.