પોલીકેબના પ્રેસિડેન્ટ આર.કે.કુંદનાનીએ લહેરાવેલો તિરંગો
પોલીકેબ કંપનીએ દમણથી સુરત-મુંબઈ વચ્ચેના કોસ્ટલ
હાઈવેને તિરંગાની રોશનીથી ઝગમગાવતા પ્રવાસીઓ અને
સ્થાનિકોને સેલ્ફી લેવા પડેલી મોજ
(વર્તમાન પ્રવાહ ન્યુઝ નેટવર્ક)
દમણ, તા.17: દર વર્ષની જેમ દેશની નંબર વન વાયર અને કેબલ ઉત્પાદક પોલીકેબ ઈન્ડસ્ટ્રીઝ દ્વારા તેના તમામ એકમોમાં તિરંગો લહેરાવી ખુબ જ ધામધૂમથી સ્વતંત્રતા દિવસની ઉજવણી કરવામાં આવી હતી.
પ્રાપ્ત માહિતી પ્રમાણે પોલીકેબ ઈન્ડસ્ટ્રીઝ દમણના પ્રેસિડેન્ટ શ્રી આર.કે.કુંદનાનીએ તિરંગો લહેરાવી સ્વતંત્રતા દિવસની હાર્દિક શુભકામના આપી હતી. દેશની સ્વતંત્રતા માટે બલિદાન આપનારા વીર સપૂતોને નમન કર્યા હતા.
આ પ્રસંગે પોલીકેબ ઈન્ડસ્ટ્રીઝના પ્રેસિડેન્ટ અને કાર્યક્રમના ચેરમેન શ્રી આર.કે.કુંદનાનીને સિક્યોરીટી મેનેજર શ્રી મુકેશ વૈષ્ણવ દ્વારા પેન્સિલ સ્કેચથી બનાવવામાં આવેલ શાનદાર તસવીર ભેટ આપી પારંપારિકરીતે સન્માન કર્યું હતું.
પોલીકેબ કંપનીએ દમણથી મુંબઈ અને સુરત તરફ જવાવાળા કોસ્ટલ હાઈવેને તિરંગાની રોશનીથી ઝગમગાવતા અહીંના સ્થાનિકો અને પ્રવાસીઓએ બિરદાવી પોતાની સેલ્ફી પણ લીધી હતી. આ કાર્યક્રમમાં કંપનીના કર્મચારીઓ સાથે ઉચ્ચ અધિકારીઓ પણ ઉપસ્થિત રહ્યા હતા.
