(વર્તમાન પ્રવાહ ન્યુઝ નેટવર્ક)
સેલવાસ, તા.18: મળતી માહિતી મુજબ ડુંગરા મુખ્ય રસ્તા ઉપર આસ્થા હાઈટ્સ બિલ્ડીંગ પાસે ગટરના ખુલ્લા ઢાંકણના કારણે ગૌ માતા ગટરમાં પડી ગઈ હતી. ઘટનાની જાણ વાપી નોટિફાઈડના ફાયર વિભાગને થતા ફાયરના જવાનો ઘટના સ્થળે પહોંચી ગયા હતા અને ગૌ માતાનું સફળતા પૂર્વક રેસ્કયુ કર્યું હતું. ગૌમાતાનું રેસ્કયુ કરવામાં વાપી નોટિફાઈડ ફાયર વિભાગના જવાનો બામાણિયા નવીનકુમાર, અંકિત પટેલ, જય પટેલ, દિપક આહીર, અમિત પટેલ, આશિષ ઘાટકા, વી.સી પટેલ વગેરે ભારે જહેમત બાદ સફળતા પૂર્વક રેસ્કયુ કર્યું હતું.