(વર્તમાન પ્રવાહ ન્યુઝ નેટવર્ક)
પારડી, તા.01: સમગ્ર ગુજરાતની સાથે સાથે વલસાડ જિલ્લામાં પણ વિધિવત રીતે ચોમાસાની શરૂઆત થઈ ચૂકી છે ત્યારે સોમવારના રોજ 11:30 વાગ્યાની આસપાસ સતત વરસી રહેલા વરસાદને લઈ પારડી જૂની મામલતદાર કચેરી સર્વિસ રોડ પાસે આવેલ નિરંજન એચ. શાહ એડવોકેટની ઓફિસ આગળ એક ઝાડ અચાનક ધરાશાયી થઈ ગયું હતું. ઝાડ ધરાશયી થતાં ઝાડ નીચે મૂકવામાં આવેલી એડવોકેટની વર્ના કાર અને શૈલેષભાઈ આહીરની આઈ20 કારને નાનું મોટું નુકસાન પહોંચ્યું હતું જ્યારે બાજુમાં આવેલી બે દુકાનોના પતરા પણ તૂટી ગયા હતા. ઝાડ પડવા સમયે કેટલાક લોકો નીચે હાજર હતા જેઓનો ચમત્કારિક બચાવ થયો હતો.
