રૂા.2.64 લાખનો દારૂ અને 10 લાખની ટ્રક મળી રૂા.12.64 લાખનો મુદ્દામાલ કબજે કરતી પારડી પોલીસ
(વર્તમાન પ્રવાહ ન્યુઝ નેટવર્ક)
પારડી, તા.20: પારડી પોલીસ મથકના પી.આઈ બી.જે.સરવૈયા તેમની ટીમ સાથે પેટ્રોલીંગમાં ફરી રહ્યા હતા. જે દરમિયાન સેલવાસથી એક ટ્રક નંબર જીજે-15-એક્સએક્સ-7637 માં દારૂનો જથ્થો ભરી નીકળી હોવાની તેમજ આ ટ્રકનું સ્પ્લેન્ડર બાઈક ચાલકપાયલોટિંગ કરતો હોવાની બાતમી મળતા પોલીસે નાનાપોંઢાથી ધરમપુર જતાં રોડ પર ચીવલ ગામ તોરણવેરા ફળિયા ખાતે વોચ ગોઠવી હતી અને આ દરમિયાન બાતમી વાળી ટ્રક આવતા પોલીસે ઝડપી પાડી હતી. આ ટ્રકમાંથી પોલીસને વિદેશી દારૂના બોક્ષ નંગ 62 જેમાં બોટલ નંગ 1908 જેની કિંમત રૂા.2,64,000નો જથ્થો હાથ લાગ્યો હતો. જેથી પોલીસે ટ્રક રૂા.10,00,000ની ટ્રક અને દારૂ મળી કુલે રૂા.12,64,000/-નો મુદ્દામાલ કબજે લઈ ચાલક ધર્મેશ ગમનભાઈ પટેલ રહે.નવસારી, વાંસદા, સિણધઈ, ગામ લિલવણ ફળિયાની ધરપકડ કરી છે. જ્યારે આ ટ્રકનું સ્પ્લેન્ડર બાઈક પર પાયલોટિંગ કરતો અને સેલવાસથી દારૂનો જથ્થો ભરાવી આપનાર અક્ષય દિનેશભાઈ પટેલ રહે.વલસાડ ધરમપુર ભેંસધરા ગામ ઉપલા ફળિયાને વોન્ટેડ જાહેર કર્યો છે.
