સંસ્કૃતિ ફાઉન્ડેશનની મદદથી વિદ્યાર્થીનીઓએ રાખડી બનાવી
(વર્તમાન પ્રવાહ વાપી બ્યુરો)
વાપી, તા.20: આગામી દિવસોમાં રક્ષાબંધનનો તહેવાર આવી રહ્યો છે તે ઉપલક્ષમાં વાપી રોફેલ કોલેજની વિદ્યાર્થીનીઓએ દેશના વીર જવાનો માટે જાતે રાખડી બનાવીને મોકલી આપી છે.
વાપી સહિત વલસાડ જિલ્લાની અનેક સામાજીક સંસ્થાઓ રક્ષાબંધન પૂર્વે દેશના જવાનોને પોસ્ટથી રાખડી મોકલી આપે છે. તેવી સામાજીક સંસ્થા સંસ્કૃતિ ફાઉન્ડેશનએ પ્રેરણા પુરી પાડીને વિદ્યાર્થીઓ પાસે રાખડી બનાવી અને રક્ષાબંધન પૂર્વે દેશના વિર જવાનોને વિદ્યાર્થીનીઓએ પોસ્ટની રાખડી મોકલી આપીને અનોખી રક્ષાબંધનની ઉજવણી કરી છે. ઉલ્લેખનીય છે કે,રોફેલ કોલેજની વિદ્યાર્થીનીઓએ રક્ષાબંધન પૂર્વે નવી મિશાલ કાયમ કરીને વીર જવાનોને રક્ષા મોકલી શુભેચ્છાઓ પાઠવી છે.
