બે આરોપીની ધરપકડ કરાઈ, નવ મોબાઈલ રિક્વર કરાયા
(વર્તમાન પ્રવાહ ન્યુઝ નેટવર્ક)
સેલવાસ, તા.30
સેલવાસ પોલીસ દ્વારા મોબાઈલ ચોરીના બે આરોપીઓને 24 કલાકમાં જ ઝડપી પાડી તેઓ પાસેથી નવ મોબાઈલો પણ રીકવર કરવામા આવ્યા છે.
પ્રાપ્ત વિગત અનુસાર ગત 28મી ડિસેમ્બરના રોજ ફરિયાદ આવી હતી કે 27મી ડિસેમ્બરના રોજ ફરિયાદી એના મિત્ર સાથે એની બાઈક પર સાયલી રોડ કિંગ રિસોર્ટ નજીકથી પસાર થઇ રહ્યા હતા. ત્યારે બે અજાણ્યા યુવાનો સ્કૂટી નંબર ડીડી-01-બી-5790 પર ઓવરટેક કરી અને અટકાવી ફરિયાદીનો મોબાઈલ અને દસ હજાર રૂપિયા લૂંટી લીધા હતા.
પોલીસે આઇપીસી 392,34 મુજબ ગુનો નોંધી વધુ તપાસ એસપી શ્રી હરેશ્વર સ્વામીના માર્ગદર્શનમાં એસડીપીઓ શ્રી સિદ્ધાર્થ જૈન, ક્રાઇમ બ્રાન્ચના પીઆઇ શ્રી મનોજભાઈ પટેલ, પીએસઆઇ શ્રી અનિલ ટી.કે પીએસઆઇ શ્રી સુરજ રાઉત અને એમની ટીમે બાઈક નંબરના આધારે અને મોબાઈલ લોકેશનના આધારે તપાસ કરતા 29મી ડિસેમ્બરના રોજ ગુલાબ શાવજી ફરોડીયા (ઉ.વ.23) રહેવાસી વસોણા પારધીપાડા અને અજય રમન મંગત (ઉ.વ.18) રહેવાસી સાયલી ડુંગરપાડાની ધરપકડ કરી એમની પાસેથી હોન્ડા ડિયો અને ફરિયાદીનો વિવો મોબાઈલ સહિત કુલ નવ મોબાઈલ રિક્વર કરવામાં આવ્યા હતા. આ ઘટનાની વધુ તપાસસેલવાસ પોલીસ કરી રહી છે.
