16 લાખ 87 હજાર જેટલી માતબર રકમનો મુદ્દામાલ કબજેઃ અનેક રાજકારણીઓ તથા વકીલોના ફોન પારડી પોલીસ સ્ટેશનને રણક્યા
(વર્તમાન પ્રવાહ ન્યુઝ નેટવર્ક)
પારડી, તા.20
આજરોજ મળેલ બાતમીને લઈ પારડી પોલીસ સ્ટેશનના પી.આઈ બી.જે.સરવૈયાએ પારડી તાલુકાના સાંસદના ગામ પરીયા ખાતે વિજયભાઈ દેસાઈની મકાનની પાછળ ખુલ્લા શેડમાં ગંજી પત્તાના જુગાર ચાલી રહ્યો હોવાની બાતમી મળતા રેડ કરી હતી જ્યાં ખુલ્લેઆમ હાર-જીતનો જુગાર રમતા હતા. જુગાર રમતા વિજયભાઈﾠલાલભાઈ દેસાઈ (ઉ.વ. 68), પિયુષભાઈﾠકાંતિલાલ દેસાઈﾠ(ઉ.વ. 50), સુધીરભાઈ મગનભાઈ દેસાઈﾠ(ઉ.વ. 56), દક્ષેશભાઈ કિશોરભાઈ દેસાઈﾠ(ઉ.વ. 51), સંજીવભાઈ ઈશ્વરભાઈ દેસાઈ (ઉ.વ. 59), રજનીભાઈ નાગરજીભાઈ દેસાઈ (ઉ.વ. 64), હેમંતભાઈ બળવંતરાય દેસાઈ (ઉ.વ. 60), દોલતરાય પરાગજીભાઈﾠદેસાઈﾠ(ઉ.વ. 84), નિરંજનભાઈ હીરૂભાઈﾠદેસાઈﾠ(ઉ.વ. 72), તુષારભાઈ ગુલાબભાઈ દેસાઈﾠ(ઉ.વ. 56), સંદીપભાઈ રામદાસ કરાડે (ઉ.વ. 43)ને ઝડપી પાડયા છે. 11 જેટલા સિનિયર સિટીઝન એવા મોભીઓને ઝડપી પાડી દાવ ઉપર મુકેલા 590 અંગ જડતીના 75120 દસ મોબાઈલ 62 હજાર અને ઈનોવા કાર 10 લાખ, સિફટ કાર 5 લાખ એકટીવા 50000 મળી કુલ રૂા.16,87, 710 મુદ્દામાલ કબજે કરી તમામને જેલને હવાલે કરી દીધા હતા.
સાંસદના ગામ એવા પરીયામાંથી દેસાઈ પરિવારમાંથી આવતા તમામ સિનિયર સિટીઝન એવા મોભી ઝડપાઈ જતા અનેક રાજકારણીઓ તથા વકીલોના ફોન પારડી પોલીસ સ્ટેશનને રણકયા હતા તથા તમામને છોડાવવા પારડી પોલીસ સ્ટેશનને આવી ચડ્યા હતા.
