લીઝ ધરાવતી કંપની પોતાના ઈલેક્ટ્રીક મીટરમાંથી ગેરકાયદે રીતે બીજી કંપનીને પાવર સપ્લાય કેવી રીતે કરી શકે?
(વર્તમાન પ્રવાહ ન્યુઝ નેટવર્ક)
દમણ, તા.24 : યુરોકોસ્ટિક પ્રોડક્ટલિમિટેડને સંઘપ્રદેશના જે તે સમયના પ્રશાસન દ્વારા લગભગ 34 એકર જેટલી જગ્યા પાણીના ભાવે લીઝ ઉપર આપવામાં આવેલ છે. લીઝ ડીડ અંતર્ગત લીઝ ધરાવતી કંપની પોતાના ઈલેક્ટ્રીક મીટરમાંથી ગેરકાયદે રીતે બીજી કંપનીને પાવર સપ્લાય કરતી હોય તો આ કંપનીની લીઝ રદ્ કરવાની સત્તા પણ પ્રશાસન હસ્તક હોવાનું જાણકારો જણાવે છે.
યુરોકોસ્ટિક પ્રોડક્ટ લિમિટેડ દ્વારા અનેક વખત નીતિ-નિયમોનું ઉલ્લંઘન કરાયું છે ત્યારે કચીગામ ખાતે ઔદ્યોગિક ઝોનમાં આવેલ રૂા.100 કરોડ કરતા વધુના બજાર ભાવની 34 એકર જમીનને સંઘપ્રદેશ પ્રશાસને પરત લઈ લેવી જોઈએ એવી પ્રબળ માંગ ઉઠી રહી છે.
