(વર્તમાન પ્રવાહ વાપી બ્યુરો)
વાપી, તા.22: આથી જાહેર જનતા અને સમગ્ર વાલી મંડળને જણાવતા આનંદ થાય છે કે પ્રતિવર્ષની જેમ આ વર્ષે પણ પોદાર ઈન્ટરનેશનલ સ્કૂલમાં ધોરણ-10નું પરિણામ 100 ટકા આવ્યું છે. તેમજ ધોરણ 12નાં પ્રથમ બેચનું વિજ્ઞાન પ્રવાહનું 92 ટકા અને સામાન્ય પ્રવાહ (કોમર્સ)નું 100 ટકા પરિણામ આજરોજ જાહેર થયું છે. જેમાં ધોરણ 10માં 94.8 ટકા સાથે નંદની પટેલ, પ્રથમ ક્રમે, 93.4 ટકા સાથે રિશિત ભારદ્વાજ તેમજ 93.4 ટકા સાથે કનિષ્કા થનકપ્પન તૃતિય ક્રમે રહ્યા છે.
ધોરણ 12 વિજ્ઞાન પ્રવાહમાં 74.4 ટકા સાથે પ્રાંજલ ઉપાધ્યાય પ્રથમ ક્રમે, 71.8 ટકા સાથે સંસ્કૃતિ સહાનેતેમજ 69.2 ટકા સાથે સુમન યાદવ તૃતિય ક્રમે આવ્યા છે. આ સાથે 12 કોમર્સમાં 80.4 ટકા સાથે ઝીયા પટેલ પ્રથમ ક્રમે, 78.2 ટકા સાથે મયંક પટેલ તૃતિય ક્રમે આવ્યા છે.
શાળાનાં આચાર્યશ્રી અનુપમ ઉપાધ્યાય તેમજ શિક્ષકગણે વિદ્યાર્થીઓને અભિનંદન પાઠવી તેમના ઉજ્જવળ ભવિષ્ય માટે કામના કરી હતી. તેમજ તેઓ ઉત્તરોત્તર જીવનના પંથે પ્રગતિ કરતાં રહે એવી શુભેચ્છા પાઠવી હતી.
