વનવિભાગ દ્વારા પાંજરૂ ગોઠવવાની તજવીજ હાથ ધરાઈ
(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.03: નવસારી જિલ્લામાં દીપડાઓ શિકારની શોધમાં શહેરી તેમજ ગ્રામ્ય વિસ્તારોમાં આવી ચડતા હોય છે. થોડા દિવસ પૂર્વે જ નવસારી ખાતે દીપડો લટાર મારતો હોવાના સીસીટીવી ફૂટેજ વાયરલ થયા હતા. ત્યારે ચીખલી તાલુકામાં પણ દીપડો લટાર મારતો હોવાના સીસીટીવી ફૂટેજ વાયરલ થયો હતો. તાલુકાના ચીમલા ઉગમણા ફળિયા રહેણાંક વિસ્તારમાં શિકારની શોધમાં રાત્રીના સમયે દીપડો લટાર મારતો જોવા મળતા સ્થાનિકોમાં ભય ફેલાઈ જવા પામ્યો છે.
ચીમલા ઉગમણા ફળિયા વિસ્તારમાં હાલે છેલ્લા બે દિવસથી રાત્રીના સમયે દીપડો લટાર મારતો હોવાનું સ્થાનિકો જણાવી રહ્યા છે. ત્યારે આ અંગે ચીખલી વન વિભાગને જાણ કરાતા આરએફઓ સહિતની ટીમ સ્થળ ઉપર જઈ જરૂરી તપાસ કરી પાંજરું ગોઠવવાની તજવીજ હાથ દજરવામાં આવી છે.
