શહેરમાં પાણીની સમસ્યા છે ત્યારે પાણીનો વ્યય કેટલો વ્યાજબી?
(વર્તમાન પ્રવાહ વાપી બ્યુરો)
વાપી,તા.13: વાપી જીઆઈડીસી ફોર્થ ફેઝમાંથી પસાર થતી બિલખાડીના કિનારે પસાર થતી મુખ્ય પાણીની પાઈપ લાઈન કેટલાક સમયથી લિકેજ થઈ હોવાથી ફુવારા ઉડી રહ્યા છે તેથી હજારો લીટર ફિલ્ટર પાણી વેડફાઈ રહ્યું છે.
જીઆઈડીસી ફોર્થ ફેઈઝ વિસ્તારમાંથી પસાર થતી બિલખાડીના કિનારે કિનારે આવેલ જીઆઈડીસી વોટર સપ્લાયની મુખ્ય પાઈપ લાઈન તૂટી જતા પાઈપમાંથી ફુવારા ઉડી રહ્યા છે. જેને લીધે હજારો લીટર શુધ્ધ ફિલ્ટર પાણી નાહકનું વેડફાઈ રહ્યું છે. એક તરફ વાપી શહેર પાણી સમસ્યાથી પીડાઈ રહ્યું છે ત્યાં બીજી તરફ પાણીનો માનવીય ભૂલના કારણે થઈ રહેલ વેડફાટ કેટલો વ્યાજબી તેવુ જાગૃત નાગરિકો આવતા જતા વ્યય થતા પાણી જોઈને કરી રહ્યા છે. તંત્રની લાપરવાહી જોવા મળી રહી છે.