અકસ્માત ઝોન બનેલ રોડ વરસાદી ખાડાને લીધે વાહનો લગાતાર પલટી મારતા રહે છે: રોડ ગંભીર હાલત સર્જી રહ્યો છે
(વર્તમાન પ્રવાહ વાપી બ્યુરો)
વાપી, તા.27: વલસાડના કપરાડામાં આવેલ કુંભઘાટના વળાંક વાળા ઢોળાવોમાંથી પસાર થતો રોડ ચોમાસામાં બિલકુલ ધોવાઈ ચૂક્યો છે. પરિણામે ઠેર ઠેર મસમોટા ખાડા પડી ચુક્યા છે. આવા ખાડાઓમાંથી પસાર થતી ટ્રકો નમી જતા બેલેન્સ ગુમાવી વારંવાર પલટી મારી જતી હોય છે. છેલ્લા બે દિવસમાં ત્રણ ટ્રકો ખાડાનો ભોગ બની પલટી મારી ગઈ છે.
કપરાડા કુંભઘાટ ઉપર ઢોળાવોમાં નીચે ઉતરતા વરસાદી ખાડાઓ ટ્રકો નમી જતા પલટી મારી રહી છે. ગઈકાલે નાસિક તરફથી ટામેટા ભરીને આવી રહેલી ટ્રક પલટી મારી ગઈ હતી. જેમાં લોકોએ ટામેટાની લૂંટ પણ કરી હતી. આજે વધુ બે ટ્રક પલટી મારી ગઈ છે. કપાસ ભરીને કર્ણાટકથી નિકળેલી ટ્રક ખાડાના લીધે પલટી મારી ગઈ હતી. જ્યારે અન્ય ટ્રક રિવર્સ લેતા પલટી મારી ગઈ હતી. લગાતાર બે દિવસમાં ત્રણ ટ્રક પલટી મારી ચૂકી છે. સંજોગ વસાત ત્રણ ટ્રના ચાલકોનો બચાવ થવા પામ્યો છે.
