(વર્તમાન પ્રવાહ ન્યુઝ નેટવર્ક)
પારડી, તા.22: સેલવાસ ખાતેથી એક વેન્યુ કારમાં દારૂ ભરી સુરત તરફ જવા નેશનલ હાઈવેના માર્ગેથી પસાર થવાની હોવાની બાતમી પેટ્રોલીંગમાં ફરતા એલસીબીના પોલીસ કોન્સ્ટેબલ દશરથ ભરવાડ, વિવેક ગઢવી, અનેહેડ વિજય માધવરાવને મળતા પારડી એકતા હોટલ સામે નેશનલ હાઈવે પર વોચ ગોઠવી હતી જે દરમિયાન બાતમી વાળી વેન્યુ કાર નં.જીજે-15-સીએમ-3389 આવતા તેને અટકાવી તલાશી લેતા કારમાં વિમલના થેલામાં અલગ અલગ બ્રાન્ડની વિદેશી દારૂની બોટલ નંગ 84 જેની કિં રૂા.54000 નો દારૂ મળી આવ્યો હતો. જેથી ચાલક રાજુ દેવરાજ ઉપાધ્યાય ઉ.વ.23 રહે.સેલવાસ મસાટ પોલીસ ચોકી પાછળ સ્પિં્રગ સિટી એકવા એ-802 ની ધરપકડ કરી હતી અને આ દારૂ હેરાફેરીમાં સંડોવાયેલા સેલવાસ નરોલી રોયલ બારમાં કામ કરતો અર્પિત ઉર્ફે કબીરસિંગ ધીરસિંગ તોમર રહે.નરોલી મોરી ફળિયા અને સુરત કડોદરાનો એક અન્ય ઈસમને મોબાઈલ નંબર આધારે વોન્ટેડ જાહેર કરી કાર અને દારૂ તેમજ એક મોબાઈલ ફોન લઈ કુલ રૂા.8,64,000 નો મુદ્દામાલ કબજે લઈ પારડી પોલીસ મથકે ગુન્હો નોંધવામાં આવ્યો છે.
