(વર્તમાન પ્રવાહ ન્યુઝ નેટવર્ક)
સેલવાસ, તા.26 : સંઘપ્રદેશ દાદરા નગર હવેલી અને દમણ-દીવ ઉપ વન સંરક્ષકશ્રીના વન્યજીવ કાર્યાલયની એક અખબારી યાદીમાં જણાવાયું છે કે, દાનહમાં આગામી 2 ઓક્ટોબર, 2024થી 8 ઓક્ટોબર,2024 દરમ્યાન ‘વન્યજીવ સપ્તાહ’નું આયોજન કરવામાં આવેલ છે. જેમાં 2 ઓક્ટોબરના રોજ સવારે 8:00 વાગ્યે દપાડા સાતમાલીયા ખાતે ઉદ્ઘાટન સમારોહ, 3 ઓક્ટોબરે ડો. એ.પી.જે. અબ્દુલ કલામ કોલેજ ડોકમરડીમાં નિબંધ સ્પર્ધા, 4 ઓક્ટોબરે નક્ષત્ર વન/સીટી ફોરેસ્ટ સેલવાસ ખાતે ડ્રોઈંગ સ્પર્ધા, 5 ઓક્ટોબરે કલા કેન્દ્ર સેલવાસ ખાતે વકૃત્વ સ્પર્ધા, 6 ઓક્ટોબરે દપાડા સાતમાલીયામાં નેચર કેમ્પ, 7 ઓક્ટોબરે બોન્તા નેચર ટ્રાઈલ ખાતે પક્ષી ઓળખ કાર્યક્રમ અને 8ઓક્ટોબરના રોજ કલા કેન્દ્ર ખાતે પ્રશ્નોતરી સ્પર્ધા અને સમાપન સમારોહનું કરવામાં આવશે.
