(વર્તમાન પ્રવાહ ન્યુઝ નેટવર્ક)
પારડી, તા.29: પારડી તાલુકાના વેલપરવા નવી નગરીની પરણીતા અને સ્કૂલ ફળિયામાં પિયર ધરાવતી પ્રતિમાબેન વિપુલભાઈ પટેલ ઉ.વ. 27 તેની 7 વર્ષની પુત્રી કિયા વિપુલભાઈ પટેલ સાથે ગત તા.26 સપ્ટેમ્બર મંગળવારના રોજ સાસરેથી કોઈને કશું પણ કહ્યા વિના ઘરેથી ચાલી નીકળી હતી. જેને લઈ પતિ વિપુલભાઈએ આજુ બાજુ સગાવ્હાલા તથા તેના પિયરના ઘરે પણ શોધખોળ કરવા છતાં મળી ન આવતા પ્રતિમાબેનના સગાભાઈ પ્રગ્નેશ પટેલે તેની બહેન અને ભાણેજ ગુમ થવાની ફરિયાદ પારડી પોલીસ સ્ટેશને નોંધાવીહતી.
પારડી પોલીસ આ બંનેમાં દીકરીની શોધખોળ કરી રહી હોય આ દરમિયાન બીજા દિવસે પ્રતિમાબેન તેની પુત્રી કિયા સાથે પોતાના એક મિત્ર ભંડારીને સાથે લઈ પારડી પોલીસ મથકે જાતે હાજર થઈ વાપી એક વકીલને ત્યાં રોકાયા બાદ પરત ફરી હોવાનું પોલીસને જણાવ્યુ હતું. સાથે સાથે તેણે કોઈ કારણસર તેના સાસરે અને તેના પિયર બંને ઘરે જવાની ના કહેતા પારડી પોલીસે તેને પુત્રી સાથે વલસાડ નારી સંરક્ષણ ગૃહ ખાતે મોકલી આપી હતી.
